Imphal, Sep 28: Manipur a•dokni Churachandpur aro Kangpokpi a•jarango, Kuki-Zo jatrangni CoTU dol, chu•gimikan chipataniko dakenga aro iako dakenganiara, sak 900 skia man•gipa Kuki bobil dolrang Imphal songjinmani a•kawe jolrangko chadrapna miksongenga ine sorkarini matnangataniko jegalani ong•achim.
Indake lekka pora skie ra•enggipa institution-rang, bading chiwalaniko dakanirang, office-rangko chu•gimikan chipataha aro gari re•ruraanikoba champengataha. Indake jingjengataniko dakengon a•jao janggi tangenggipa manderangsa bang•en nangchakeako man•skaengaha ine nikna man•a.
Batanggimin September 20 tariko, Security Advisor Kuldiep Singh, sak 900 bobil dolrang Imphal songjinmani a•kawe jolrangko chadrapna mangsongenga ine koborko man•soe chel•chaksoenggipa dolrangba mikrake dongsoskaenga ine parakataha.
Indake ong•genchimoba, iandake jangbingbanganirangko knasogenchimoba ian kakket ong•ja aro kakket ine aganaba sakkian dongja ine a•dok sorkari parakataha. Iani gisepon a•kawe jolrango maiba kai silchidare-rangchi chadrapanirang ong•genchimode uarangko champengsona gita chel•chaksoenggipa dolrang mikrake dongsoskaenga ine official saksa aganaha.
Na·simang ia video-koba nina man·gen:
Na·simang iakoba poraina man·gen: Buddhist aro Hindu-rangni torom nokrangko nosto ka•aniko champengatchina gita PM Modi-na Bhikkhu Sangha dol memorandum-ko sedoata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
