Imphal, Dec 23: Kuki Women Organisation for Human Rights (KWOHR), Manipur a•doko so•sojengjeng ong•engani gisepo Kuki me•chikrangni kosako ka•enggipa kamrangko maming dakgija nie dongenga ine National Commission for Women (NCM) -ni kosako matnangataha.
Batanggimin 2023 bilsi May jaoni Manipur a•doko so•sojengjeng ong•na a•bachengaha aro ua sal intalan dingtang dingtang bobil dolrang jekai, Arambai Tenggol aro Meitei Leepun dolrang Kuki me•chikrangko so•otgala, kragija til•ekdraa aro a•rikgalanirangko dakenga aro iandakgipa kamrangni kosako kakket bichalko ka•e on•china mol•molbeahachim, indake ong•genchimoba NCW-oni maming aganchakaniko aro maming ja•kurangko de•jaani gimin suk ong•gijaniko KWOHR-ni General Secretary Kimneihoi Lhungdim janapataha.
Indake, NCW Jiribam a•jao ong•gipa obostanade baksan ja•kurangko de•aha indiba Kuki me•chikrangni kosako ong•gipa obostarangni kosakode mikgri ong•e dongaha ineba ua matnangataha.
Ia obostarangni bidingo Manipur a•dokni Skotong Minister N. Biren Singh-ba mamingkoba dakjaha batesa Kuki jatrang jemang Christian-rang ong•achim uamangko mongsongbate nisigalna gita silchidare gnanggipa Metei bobil dolrangna dakchakenga ineba ua matnangataha.
Indake ong•engon KWOHR, iandake Kuki me•chikrangni kosako ka•enggipa kamrango dos gnanggipa manderangko rim•e kakket bichalko ka•e on•china dabiangan baksa, gipin a•songni dolrang chong•motan, United Nations aro Amnesty International dolrangko ia ong•enggipa obostarangni bidingo nirokatchina mol•molataha.
Na·simang ia video-koba nina man·gen:
Na·simang iakoba poraina man·gen: Indian Army aro gipin chel•chaksoenggipa dolrangni am•sandianiko dakanio adita silchidare-rangko man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
