Shillong, June 13: Meghalaya a·dokni Skotong Minister Lahkmen Rymbui, Yuva Sangam Phase-VI-o bak ra·pagipa Telangana-ni chadamberangko, an·tangtangni skie ra·anirangko gipinrangnaba u·iatskae aro ia jolni gimin gipin manderangna talbate u·ina dakchakaniko on·e, Meghalaya aro Salgro Salaram jolrangni ambassador-rang on·china didiataha.
Education Minister Lahkmen Rymbui, Shillong-ni Indian Institute of Management (IIM)-o ong·atgipa ia program-ni bon·kamgipa salo, lekka pora aro jatni dakbewal rikbewalrangko skie ra·grikani tom·bimonganirang, manderangni gisepo u·i-sretgrikanirangko ra·gale aro chadamberangni gisepo mande ra·grikaniko ra·doe a·songni dingtang dingtang bak-rangoni re·bagipa manderangni gisepo nangrimaniko sepangbatatna dakchaka ine aganangaha. National Institute of Technology Warangal-ni dilanio, Telangana-ni dol, Meghalaya a·dokni dakbewal rikbewalrang, manianirang baksana uamangni a·doko sal 5-na dongani somoio jolo songdonggipa manderangni janggi tangani bewalrangko skie ra·na gita cholko man·aha ine ua agandapangkuaha.
Ma·mong sorkarini Ek Bharat Shreshtha Bharat-ni ning·o ong·atgipa ia program-ko, Khasi git ring·gipa Lam, Kong Silbi Passah-ni chatro chatrirang baksana Meghalaya aro Telangana-oni bak ra·gipa chadamberangni jatni dakmesokanirang baksa matchotataha. Ia Exchange Programme-ni bak gita, watatako man·gipa chadamberang, a·dokni sason ka·ani, lekka pora aro kal·chakram biaprangni bidingo u·ie ra·na gita Mawpat-ni Dorbar Shnong, North-Eastern Hills University aro Sports Authority of India Centre-ona re·angaha.
Na·simang iakoba nina man·gen:
Na·simang iakoba poraina man·gen: Kaziranga-o matcha-rangni jelaniko channe nianiko dako iano bang·a nikronggijagipa Hog Badger-ba donga ine u·ina man·aha
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
