Shillong, MAR 26: Re·baenggipa Lok Sabha eleksino BJP a·song gimiko dam 200 baten chejawa ine Shillong MP aro Congressni dilgipa Vincent Pala Mongolbar salo aganaha.
Uni aganani gitade, BJP dam 370 man·on Constitutiononi ‘Secularism’ ingipako ra·gale Indiako Hindu a·song pil·atna jotton ka·gen.
“Da·alona kingking BJP candidaterangni brigipa listko parakatkuja. Maina? Maina uamang an·tangtangon seksekani bilongenga. Uni gimin dam 200na bate cheani kattade chel·sranga. Northeast a·dokrangode uamang candidate mangmangba gri,” ine Pala aganaha.
Re·anggipa chango BJPni sak 303 MPrang cheaha, indiba ia changode Maharasthra, Karnataka, Delhi, Bihar, Punjab, UP, Himachal Pradesh aro bang·a a·dokrangon BJP tang·ongen ine Pala agansoaha. “Ia changode Indiani salgipengchipak Congress bang·bate man·gen.”
Dam 400 biaprango chegen ine BJPni a·kangsoani miksongakoba pe·e ua aganaha. Uni agana gitade, India sak 540 MPrang gnang. A·songni Constitutionko dingtangatna BJP sak 362 MPrangko nanggen; uan 370ming apsanaijok, uni giminsa uamang 370ko aganenga. Pala-ni aganani gitade, sak 370 MPrang ong·ode uamang Constitutionko dingtangatgen inesa mitape agansoenga.
“Consitutiononi ‘secularism’ ingipakon galatode Pakistan gitasa ong·aignok. Pakistanba, Bangladeshba, Iran-ba Islamic a·song. Indiba apsan daken ong·paaignok, Hindu toromko ra·gijagipade niam pe·gipa ong·aignok. 370-400 ine agansoani miksongade uan. Uamang indita man·gen inede ka·dongsojaenga, indiba uamangni bikpil chupil dakatna miksongakosa donmitape agansoenga. Uamang Indiako Hindu a·song pil·atna jumang niksoako chu·sokatnasa ja·ku de·enga.”
“Anga bebera·a, na·simangoni bang·an Hindurang, chingni bang·a ripengrangan Hindurang. Indiba an·ching maming sinjeta gri tom·tomgipa a·songko nanga. Pakistan aro Bangladesho gita sinjeta man·anirangoni jakgitel ong·anikosa an·chingna nanga.”
Shillongo MP man·pilna ka·dongkuaniko aganengon, batanggimin bilsi 15ni gisepo Congress MP ong·e dingtang dingtang namgnirangko ra·baaniko ua aganaha. Indiba ua chu·sokatgiminrangna bateba Meghalayana nangkuenga, aro uan mongsongbate airportko nanganian ong·a ine ua aganaha.
Na·simang iakoba poraina man·gen: Agatha-ming susana Saleng biming segata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
