Shillong, Sept 19: Mangsaoni -manggipinona batrikrikgipa matchurangni bigilo nagipa gital sabisi Lumpy Skin Disease (LSD) -ko mang hajal 9,000 na bata matchurangoniko man·ani ja·man, a·dok sorkari iana gampilskaaniko on·na gita matchu jile cha·giparangna ka·dongataniko on·angaha.
Iani bidingo Mongolbar salo assembly tom·ao sing·doanggipana, a·dokni Animal Husbandry & Veterinary-ni minister Pa AL Hek, matchurango LSD-ko man·ani ja·man a·dok sorkarioni da·odipet maming gampilskaaniko daka dongkuja ine aganchakangaha.
Indake ong·engon, matchuni sabisiko man·ani a·sel neng·nikaniko chagronggipa matchu jile cha·giparangna sorkarini gita gampilskaani cholrangko dakengani gimin Nongkrem-ni VPP MLA Pa Ardent Miller Basaiawmoit-ni sing·angtaigipana Pa Hek, a·dokoni matchu jile cha·giparangna sorkari gampilskaaniko dakgen ine talataniko on·angan baksa, matchurango ia gital sabisiko man·engani gimin, a·dokoni ge·bri veterinary hospital-rango aro ge 125 dispensary-rango nambate sanani samrang aro tikarangkoba on·enga ine Pa Hek, assembly-o u·iatangjolaha.
Batanggimin 2020 oni 2021 bilsio, African Swine Fever sabisiko wakrango man·anichi mang 540 wakrangni sidamanina a·dok sorkari, gong lak 16, 20,000 tangkarangko gampilskaaha ine minister-ni u·iatangni gimin, a·dok sorkarini a·palchini wakrangko ra·napbae game cha·giparangna wak bi·sarangko sualaoni intalan swine fever ba wakni sabisi ong·kataha ine Pa Basaiawmoit-ni matnange agananganina, a·doktango iako chu·onga gita man·jani a·selan an·ching gipin a·dokrango pangchakna nangtaiskaa ineba Pa Hek aganchakangaha.
Iakoba poraie nina man·gen: Women’s Reservation Bill-ko pass ka·anina a·dokni dilgiparang kusi ong·aniko paraka
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
