Shillong, Sep 19: Lok Sabha aro Assembly Legislative seat-rango me·chikrangna 33 percent seat-rangko a·kangna sienggipa Women’s Reservation Bill-ko Mongolbar salo, Union Cabinet pass ka·ahani gimin Meghalaya a·dokni Chief Minister Conrad K Sangma-ko man·chape, dingtang dingtang dilgiparang kusi ong·aniko parakattokaha.

Women’s Reservation Bill-ko Union Cabinet-ni pass ka·ahani gimin an·tangni kusi ong·aniko parakatengon, Meghalaya a·dokara me·chikrangko skang dongipa a·dok ong·e aro ua an·tangba me·chikrangna cholko on·chengna sikgipa mande ong·e da·alo ia Bill-ko pass ka·ahani gimin namen kusi ong·a ine a·dokni Chief Minister Conrad K Sangma parakataha.

Ia Bill-ko pass ka·aniara Lok Sabha-o aro Legislative Assembly-rango me·chikrangna cholrangko on·dapani gita ong·gnok ine janapatengon, iani bidingo National People’s Party (NPP)-ni gitaba uamang chanchirime resolution-ko pass ka·anggen aro ia Bill-ko niamo ong·atna gita ku·rangko on·anggen ine a·dokni Chief Minister aro NPP-ni national president Conrad K Sangma parakataha.

Ia Women’s Reservation Bill-ko ma·mong sorkarini pass ka·ahani gimin apsan daken Meghalaya a·dokni saksakamkam me·chik Cabinet minister Ampareen Lyngdoh-ba an·tangni kusi ong·aniko parakataha aro ian Parliament-osan ong·aigija Assembly-rangoba me·chikrangko politics-ni kamrango bak ra·na gita apsan cholko on·ani gita ong·gnok ine parakataha.

Ia Bill-ko bakan niamo ong·atgen ineba ua an·tangni ka·dongchakenganiko parakataha.

Iakoba poraie nina man·gen: Ia bilsi Ganesh Chaturthi-ko maniaona, Guwahati-o foot 30 mangrogipa Ganesh miteko songanga

Watch