Shillong, Jymmang 31: Ka Khasi Students’ Union (KSU) Tyrso Unit ka la maham da kaba tyngeh pyrshah ïa ka jingniah kali khlem akor bad khlem da ka jingpyrkhat hadien ba ka la ïohpdiang ïa ki jingujor na ki paidbah halor ka jingiai jia ki jingjia aksiden ha ki thaiñ Tyrso.

U Pesident ka KSU Tyrso Unit samla Playerfull Mashli u la kyntu ia ki nongniah kali ba ki dei ban phikir bha nangne shakhmat.

“Ngi kyntu ïa baroh ki nongñiah kali kiba kamai ha ki thaiñ Tyrso ne kiba wan sha Tyrso ba kim dei ban pynher stet palat, khamtam ha ka por ba long skul bad ki dei ban niah tang hapoh 30km/h ka jingstet” u la ong.

“Lada lap ïa kino kino kiba pynkheiñ ïa kane wat hadien kane ka jingpynbna paidbah ruh, ka KSU kan leh da kaba tyngeh bad wat ban aiti ruh sha ki bor jong ka aiñ” ula maham.

Ka KSU ka kyrpad ruh ia ki paidbah ba kin pyntip sha ka KSU lada iohi ia ki nongniah kali kiba niah sted bad niah khlem akor.

“Na ka liang jong ngi, ngi kyrpad ruh ïa ki nongñiah kali ba kin ai ka jingïatreilang khnang ba ngin lah ban wanrah ïa ka jingshngaiñ ha ka thaiñ Tyrso baroh kawei,” u la bynrap.

Pule ruh : Ialam u Myntri kam ialehkai ka Ri ia ka “Sunday on Cycle” ha Shillong

Peit ruh :

Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.

Bud ruh ia ki ha ka

Twitter – twitter.com/nemediahub

Youtube channel – www.youtube.com/@NortheastMediaHub2020

Instagram – www.instagram.com/ne_media_hub

Download ia ka app jong ngi na playstore – Northeast Media Hub