Shillong, Oct 16: Re•baenggipa 2024 bilsini Lok Sabha election-o Shillong parliamentary constituency-oni susachina ma•mongo BJP-ko dilgiparang nangnikgenchimode ua BJP-ni candidate ong•e susana kusi ong•aigen ine Sombar salo, BJP-ni dilgipa aro a•dokni Cabinet Minister Alexander Laloo Hek parakataha.
Hek-ni parakatani gitade, 2014 aro 2019 bilsini Lok Sabha election-oba uko Shillong Lok Sabha seat-oni susachina gita ma•mongo BJP-ko dilgiparang nangnikahachim indiba ua bilsirango ua an•tangko tarisojahani gimin susajahachim. Indake ong•genchimoba, ia changode ma•mongni dilgiparang uko susachina nangnikode ua susana kusi ong•aigen ine Hek parakataha.
Election-o susanamangmangsan ong•aigija chena kragipa candidate-ko ma•mongni dilgiparang seokna nanga ineba ua aganaha.
Meghalaya a•dokni batanggimin election-rango BJP-ni candidate-rang chu•sokna man•jaengani gimin janapatengon, Meghalaya a•dokode manderang party-ko nie seokja indiba an•tangtangni namnikgipa manderangkosa seokbataia ine BJP Minister parakataha.
Meghalaya a•doko da•o dipet MLA sakgnina agrede seokako man•kujaengachim ine nikna man•a.
Iakoba poraie nina man·gen: A•chik Youtuber MasterChef India-o susagen
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
