Shillong, Apr 19: Shillong parliamentary constituency-ni pilak biaprangon manderangni ka•saaniko man•ahani gimin ia Lok Sabha election-o chegipa ong•na ka•dongenga ine Sukrobar salo, National People’s Party (NPP)-ni candidate Ampareen Lyngdoh, Laitumkhrah-ni Arya Kanya Vidyalaya Polling Station-o an•tangni vote-ko on•angani ja•man kobor ra•timgiparangna aganaha.
Ia Lok Sabha election-o Meghalaya a•dokni Lok Sabha constituency damgnion NPP, me•chik candidate-rangko susaatahachim aro uamangara Shillong Lok Sabha seat-o Ampareen Lyngdoh aro Tura Lok Sabha seat-o Agatha K Sangma ong•achim.
Ia bilsi a•bachengaonin Lyngdoh, Shillong Parliamentary Constituency-ni ning•o donggipa dam 36 Legislative Assembly Constituency (LAC)-ona wene, manderangko grongna gita a•bachengahachim.
NPP-chi dilenggipa MDA sorkarini kosako tangka paisa jakkalsretanirangna dingtang dingtang dolrang aro a•doko songdongenggipa mitam manderang matnangtokengani gimin sing•on, “Angni chanchiani gitade manderang sorkarini kosako aganenga ong•ja indiba angni re•anggipa pilak biaprangon manderang angko kusi ong•esa rimchaksoaha aro anga manderangni ka•saanirangko bang•en man•aha. Manderangni iandake ka•saanirangko man•ahani giminsa angni ia election-o susaaniba angko ka•dongataha. Khasi aro Jaintia Hills-ni dam 36 Assembly constituency-rangon anga darangonikoba jegalsoaniko aro matnanganirangko man•jaha,” ine Lyngdoh aganaha.
Meghalaya a•dokoba election-rang bilakna a•bachengahama ine sing•anina aganchakaniko on•angskaengon, badiaba badiaba dolrang da•o ong•gija bewalo aro maming mande ra•grikani gri politics kal•na a•bachengaha ine NPP-ni candidate, darangkoba biming minggija aganaha.
Skanggipa changna ua MP election-o susaahaoba NPP dolni gita pilakan rakbee kamrangko ka•ahani gimin ia namgipa result-rangko man•na ka•dongenga ineba Lyngdoh parakataha.
Na·simang ia video-koba nina man·gen:
Na·simang iakoba poraina man·gen: Manipur-o Lok Sabha Election-na pu•onanio nanggrika, sak 3 saknaa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
