Guwahati, Nov 19: Manipur a•dokni Skotong Minister, N Biren Singh, NDA-ni sak 47 MLA-rangko a•doko ong•enga obostarangni gimin chanchirimaniko dakna gita okamahachim indiba sak 27 MLA-rangsan re•batokaiaha.

NDA-o sak 38 MLA-rang donggenchimoba unoni sak 27-san sokbaiaha aro sokbagijagiparangba maini a•sel sokbana gita man•jachim maming u•iata dongja.

Manipur a•dokni Skotong Minister, N Biren Singh, Jiribam-o so•ota man•gipa manderangna kakket bichalko on•an baksana dos dakgipa manderangni kosako rak•gipa ja•ku de•anirangko dakanggen inenba, X(Twitter)-o parakataha.

November jani 18 tariko tom•aniko ong•atanio, me•chikrang aro bi•sarangko man•chape sak 6 manderangko so•otanio Kuki Militants ba Kuki bobil dolrang dos gnang ine parakatna gita resolution pass ka•angaha.

Jiribam-o sal 7-ni gisepo, me•chikrang aro bi•sarangko so•otgipa kuki bobil dolrangko am•sandianiko a•bachengatnaba tom•anio tik ka•angaha. November jani 7 tariko, Jiribam-o me•chik saksako so•gipa baksana November 9 tariko, Bishnupur a•jani Saiton minggipa biapo ge•e game cha•gipa me•chik saksako so•otani case-koba ta•raken National Investigation Agency (NIA)-na pakwatanggen.

Iana agreba, tom•anio chanchigimin resolution-rangko somoi gita chu•sokatna man•jagenchim ong•ode, NDA-ni MLA-rang a•dokni manderang baksa chanchirimaniko dakenba mikkangchi gipin ja•ku de•anirangko dakanggen inenba tom•anio chanchirimaniko dakangaha.

Manipur a•doko so•so jengjeng ong•aniko namatna aro tom•tom ong•aniko ra•bapilna gita ma•mong aro a•dok sorkario nanggipa ja•ku de•anirangko dakchina gitaba didianiko iano janapataha.

Na·simang ia video-koba nina man·gen: 

Na·simang iakoba poraina man·gen: Meghalaya-Kerala Rotary Youth Exchange Programme-ko ong•atanggen

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub