Imphal, Nov 30: Re•anggipa November jani 27 tariko, Manipur-ni Kakching police station-ko chadrapanio jak dongpagipa sak 7 manderangko rim•aha, ia chadrapanio police doloni sakgni sipairang saknaako man•aha.

Rim•a man•gipa manderangni bimungrangara, bilsi 30 ong•gipa Naorem Jotish Singh, bilsi 50 ong•gipa Kshetrimayum Rajiv Singh, bilsi 31 ong•gipa Pravin Leishangthem, bilsi 32 ong•gipa Pukhrambem Gopen, bilsi 33 ong•gipa Naorem Sitaljit Singh, bilsi 31 ong•gipa Wayengbam Johnson Singh aro bilsi 30 ong•gipa Kshetrimayum Ashokumar ong•a.

Police dolrangni u•iatani gitade, November jani 16 tariko seoka man•gipa official-rangni gamrangko nosto ka•anina rim•a man•gipa sak 4 manderangko watchina authority-rangni kosako sinjetaniko on•a miksonganio uamang chadrapaha ine aganangaha.

Chel•chakgipa dolrang, Sukrobar salo Kangpokpi a•jao donggipa S Mongpi minggipa a•kimbrioniko, .303 rifle, China-o tarigipa 9mm pistol, bolgni SBBL slai-rang, 5.56mm INSAS LMG guli chipchakgipa baksana dingtang dingtang bomarangko man•chape bang•a silchidarerang aro slai gulirangko man•aha.

A•doko mikkangchi iandakgipa so•so jengjeng ong•anirangko champengna aro tom•tom ong•aniko ra•bapilna gita, chel•chakgipa dolrang ia bobil dolrangko am•sandianio rakbate kamrangko ka•enga.

Na·simang ia video-koba nina man·gen: 

Na·simang iakoba poraina man·gen: Assembly Speaker Thomas A Sangma International Inter-Cultural Research Institute-na pangchaniko songe on•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub