Imphal, May 11: Manipur a•doko COVID-19-ko man•giparang ta•raken batroroengahani a•sel Imphal-o donggipa JNIMS-ko man•chape bang•bata sorkari hospital-rangon biaprang chakjaengaha ine kobor on•aha.
Imphal songjinmao Jawaharlal Nehru Institute of Medical Sciences (JNIMS)-ba damsa mongsonggipa hospital ong•achim indiba da•o COVID-19 man•giparang batroroengahani a•sel ia hospital-o palangrang aro saenggipa manderangko nirokenggipa manderangba chu•ongjaengaha ine kobor on•timgiparang parakataha.
Sombar salo, Manipur a•doko gimik sak 424 manderang COVID-19-ko man•dapaha aro sak 13 manderang COVID-ni a•sel siangdapahachim aro uandaken JNIMS-oba COVID-19 man•gipa manderangni chakpilgija senge donganiko nikna man•skaaha.
JNIMS Hospital-ni medical superintendent Dr Lokeshwor Singh-ni parakatani gitade, ia hospital-ni COVID-19 ward-o ge 130 palangrang ar dam 18 Intensive Care Unit (ICU)-rang dongachim aro da•o ia palangrango aro ICU-rangoba COVID man•giparang gaptokaha.
Ia JNIMS-ara sorkarichi chalaienggipa hospital ong•ani gimin COVID man•giparangko indin sanne bane on•enga ineba Dr Singh parakataha.
