Guwahati, Feb 27: Indian Army-ni gita, Manipur a•dokni ning•o donggipa Bishnupur, Imphal East, Imphal West, Thoubal aro Kakching a•jani manderangna, pension aro uandake gipin nangnikenggiparangni sokbregijani gimin kalimpaaniko mesokna aro ESM ba kamoni neng•take dongenggipa manderangna nengrae janggi tangani cholrangko u•iataniko on•a inenba, February jani 26 tariko, Manipur-ni Bishnupur-o Ex-servicemen Rally (ESM)-ko ong•atangaha. Ia tom•aniona, sak 450 mangni gita, ru•uta bilsirangna dangdike on•gipa a•gipi sipairang, veer nari-rang aro dakgrik dinggrikanio sianggipa sipairangni jikgiparang re•bae bakko ra•angaha.
Ia tom•anio, dingtangmancha on•kange dangdike on•enggipa assistance booth-koba donaha jeon, dingtang dingtang a•selrangni bidingo dakchakanirangko on•aniko dakangaha. Unbaksana, Medical Camp-koba ong•atangjolaha jeon, Army aro District Civil Hospital-ni sanna bannaniko dakenggipa Doctor-rang, ia tom•anio bak ra•enggipa manderangoni an•seng baljokani bidingo sanna bannaniko nangenggiparangna dakchakaniko on•angaha.
Ia tom•anio, Red Shield Division-ni General Officer Commanding, mongsonggipa sokgipa ong•enba, pilak bakko ra•enggipa veteran, veer nari aro randi me•chikrang baksa agangolpogrikaniko dakangaha.
Indake GOG, a•song chigani namgnina on•gilangahanina aro on•kange dangdike on•angahanina, ru•uta bilsirangna dangdike on•enggipa sipairangko aro uni nokdangni manderangko mitelpilskaaniko dakangan baksa, Manipur-o jingjengatanirangko man•engani gisepo, ESM community ba kamoni neng•take dongenggipa manderangna, an•tangtangni gamchatgipa on•gilpaaniko aro dakchakpaaniko on•enganinaba ua kusi ong•e mitelaniko dakangskaaha.
Na·simang iakoba poraie nina man·gen:Singho jorasako Akbar aro Sita mingana forest officialko kamoniko ra·gala
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
