Imphal, Sep 9: Manipur a•doko so•sojengjeng ong•anirangko namatchipna man•jaengani gimin dingtang dingtang lekka pora on•chakram biaprangko sorkarini chipna manchianiko chatro chatrirang jegalenba Sombar salo, Raj Bhavan-o jinma tom•chimongtokaha.
Dingtang dingtang higher secondary skulrango poraienggipa chatro chatrirang, skul uniform-rangko gane Raj Bhavan-o tom•chimongtokaha aro an•tangtangni suk ong•gijaniko parakna gita a•dokni Governor-ko grongna dabitokaha.
Manipur a•doko so•sojengjeng ong•aniko namatna gita ma•mongni sipai dolrangko rimbae kam ka•atengoba bilsisa ata batpile so•sojengjeng ong•anirangko namatna gita man•chipjaengani gimin ia sipai dolrangko ra•galatpilchina gitaba chatro chatrirang dabiangtokaha.
Manipur a•dokni dingtang dingtang biaprango bomarangchi godape so•sojengjeng ong•anirangko nikna man•engani gimin a•dok sorkari, pilak skul aro college-rangko September-ni 10 tarikona kingking chipatna tik ka•angahachim indake ong•genchimoba Sombar salo, hajalni hajal chatro chatrirang skul uniform-rangko gane, sorkarini kosako jingjengatanirangko dakangskaaha.
Chatro chatrirang, an•tangtangni ka•a ding•chaoaniko mesokna gita Chief Minister aro Governor-ni Raj Bhavan-onaba napdrana jotton ka•aha aro uni ja•man Raj Bhawan a•palo jinma tom•chimonge jegalanirangko dakangtokaha.
Manipur a•dokni Security Adviser-ko ra•galchina aro a•dok sorkarini Unified Command-ko dingtang biapona apjitatchina gitaba chatro chatrirang dabiangtokaha.
Na·simang ia video-koba nina man·gen:
Na·simang iakoba poraina man·gen: Vietnam a•songo dolong be•gruanichi sak 13 manderang gimaenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
