Imphal, Nov 23: Manipur a·doko ong·enggipa obostarangni bidingo, medical-ko poraienggipa pilak chatro chatrirangnan porikkako ra·na gita Manipur University, National Medical Commission (NMC)-ni ku·pattianina sengkuenga ine Budbar salo, Manipur a·dokni Health Minister Sapam Ranjan parakataha.

Health Minister-ni parakatani gitade, Manipur a·dokni pilak medical college-rangan NMC-ni ning·osa ong·ani gimin NMC-ni ku·pattianiko ra·esa medical-ni chatro chatrirangna special examination-ko ra·na man·gen.

Churachandpur-o MBBS-ko poraienggipa Kuki-Zo chatro chatrirangna porikka sena on·ja ine matnanganiko jegalatengon, Manipur sorkari, pilak chatro chatrirangni namgninan kamrangko ka·enga ine Ranjan parakataha.

Churachandpur-o medical-ko poraienggipa chatro chatrirangna campus damgniko on·china Manipur sorkari mol·molaha aro iako NMC ra·chakaha ineba ua aganaha.

Ia bilsini May 3 tariko so·sojengjeng ong·chakataonin Manipur a·doko poraienggipa chatro chatrirang neng·nikanirangko chagrongna nangtokengahachim ine nikna man·a.

Iakoba poraie nina man·gen: NCERT-ni ki•tap-ko class I-oni class X-ona ra•gatna gita a•dok sorkari chitti sedogen

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub