Imphal, Aug 7: Manipur a•doko so•sojengjeng ong•anirangko namatna man•jaengani gimin ja 17-na N Biren Singh-chi dilenggipa BJP sorkario bakrimaniko Kuki People’s Alliance (KPA) ra•pilaha.
Manipur a•dokni sak 60 membor-rang donggipa Assembly-o KPA-ba sakgni MLA-rang dongpaachim aro ia sakgni MLA-ranga, Saikhul constituency-ni MLA Kimneo Haokip Hangshing aro Singhat constituency-ni MLA Chinlungthang ong•achim.
Ia sakgni MLA-rangara, re•anggipa May jani 3 tariko Manipur a•doko rang•san so•sojengjeng ong•chakatani ja•man dingtang sorkariko dabienggipa sak 10 Kuki-Zo MLA-rangni bak ong•achim.
Indake ong•engon, Manipur a•doko so•sojengjeng ong•anirangko namatna man•jaengani gimin suk ong•jae, Chief Minister N Bren Singh-chi dilenggipa BJP sorkario bakrimaniko watna gita Robibar salo, KPA-ni dilgiparang, Manipur a•dokni GovernoAnusuiya Uikey-na sedoataha.
Manipur a•doko BJP sorkari baksa bakrimaniko KPA ra•pilahaoba da•o NPP-ni MLA sak 7, NPF-ni sak 5 aro Independent MLA sak 3-ni bakrimaniko man•kuengani gimin N Biren Singh-ni sorkario sak 47 MLA-rang donge sorkariko chalaikuna man•skakuenga.
Iakoba poraie nina man·gen: Manipur-o tom·tomaniko man·pilchina didie Shillong-ni Catholic-rang jinma re·joma
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
