Imphal, Dec 20: Manipur a•doko so•sojengjeng ong•anichi sianggipa sak 87 Kuki-Zo manderangni manggisiko Budbar salo, jachetni ja•man Churachandpur a•jao apsan gope galaha.
Manipur a•doko ia 2023 bilsini May 3 tariko so•sojengjeng ong•chakatani ja•man ia sak 87 manderangni manggisiko jachetna ‘morgue’ ba manggisirangko donram biapo donahachim aro uandaken Budbar salo, ia sak 87 manderangni manggisiko Manipur a•dokni Tribal Martyr’s Park-o, jinma mande ra•bee gope galaha.
Ia sak 87 manderangoni sak 41-ni manggisikode Imphal-oniko ra•baaha aro sak 46-nikode Churachandpur hospital-o donggipa morgue-oniko ra•baskaaha.
Manipur a•doko songdongenggipa Meitei jatna dingtangmancha Scheduled Tribe (ST) status-ko on•china dabianiko jegale May jani 3 tariko, All Tribal Students Union Manipur-ni tom•tome re•jomaniko ong•atani ja•man Manipur a•doko so•sojengjeng ong•na a•bachengahachim aro ua somoioni Manipur a•doko bang•bea manderang so•otako man•na nangaha aro bang•bea manderangan nokgri jamgri ong•atako man•na nangahachim.
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
