Imphal, Sept 11: Manipurni skotong songjinma aro uni wilwilao donggipa jolrang, unikoa Imphal East, Imphal West aro Thoubal districtni bakrango jatska jat dakgrike an·chi pari nikaniko champengna gita curfew ong·ate sipairang mikrake dongengon ua biaprango manderang ong·katjae rama sorokrang grichichang ong·e donganiko Budbar salo nikaha.
Imphal aro uni wilwila jolrango golmal gondogol ong·tainaba gnang ine a·dokko sason ka·giparang niksoe, dam gittam districtrango curfew ra·gataniko Mongolbal salo parakataha. Gipin hukumko on·kujana kingkingde curfew ong·e dongangkugen. Mobile internet serviceko dam bonga districtangon watgija donenga, aro poraigiparangba jing·jengatani gimin skul aro kolejrangkoba September 12-ona kingking chipataha.
Uni gisepon, golmal ong·taianiko knadapade gri ine official saksa aganaha. Officialrangni aganani gitade, Civil Secretariat aro sorkarini adita opisrang kulia indiba uarango kam ka·giparangni sokanga namen komia.
Emergency aro medical servicena agrede curfew ong·enggipa dam 3 districtrangon darangba ong·katgija dongtokenga ine kobor man·aha.
Curfew ong·atako minggija sak hajalsa baten poraigiparang gnigipa changna Mongolbar salo ong·kattokaha. Uano teargas goanio poraigipa chadamberangoni sak 55 baten saknaaniko man·aha, jemangkon Regional Institute of Medical Sciences-ona ra·angaha ine kobor man·aha.
Students unionrangni dabianiranga sorkarina aro DGP-na Security Advisor donaniko ra·galchina, central forcesni sipairangko a·dokoni ra·angchina aro Unified Command charge-o a·dok sorkarina pakwataniko dakjachina gita ong·a. Iarangko uamangni dabianirango chu·sokjaengani gimin pilak skul aro kolejrangan chipani ong·gen, aro mikkangchi dakangkugniko uamang chanchirimgen ine student unionko dilgiparang aganaha.
Sak 10 Kuki-Zo MLArangko changija gipin sak 50 MLArang maiko mancha chanchie tik ka·aha da·on parakna nanga ong·jaode uamang biaptangtangko wate on·gipa ong·nasa kraa ineba student unionko dilgiparang aganaha.
Students unionrangni dilgiparang uamangni nangnikanirangko janape see jote Mongolbar salo Governor Lakshman Prasad Acharyako grongaha, aro uamangni nangnikanirangko chu·sokate Manipuro tom·tomaniko ra·bapilna dakchakchina mol·molaha.
Indake ong·engon Assam Rifles, Central Armed Police Forces aro Manipur Police commando sipairang sorkarini kosako bobil dake chakatgiparangko bon·atna gita a·doko piprakuenga.
Na·simang ia video-koba nina man·gen:
Na·simang iakoba poraina man·gen: Nathu La jolo jatna an·pachaka janggitangko on·giparangko gisik ra·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
