Shillong, Mar 18: Re•baenggipa March 25 tarikoni 27 tarikona skanggipa Shillong Film Festival-ko Shillong songjinmani State Convention Centre-o ong•atenga ine Budbar salo, a•dokni Information & Public Relations Minister Lahkmen Rymbui parakataha.
Ia film festival-ko ong•atani bidingo kobor ra•timgiparangna talataniko on•angengon, ian sorkarini dal•begipa niksamsoaniko a•bachengatani ong•enga aro ia skanggipa chango chu•sokgipa ong•genchimode re•baenggipa bilsirangoba ia film festival-ko nambate ong•atangna man•gnok ine Rymbui aganaha.
Ia film festival-ko India sorkarini dakchakanichi Directorate of Information & Public Relations (DIPR) ong•atenga ineba Minister parakataha.
Ia salgittamna ong•atenggipa Shillong Film Festival-o, India a•songni dingtang dingtang biaprangoni, salgro salaram a•dokrangoni aro gipin a•songrango tarigipa jawilwatrangkoba mesokna sienga.
Ia film festival-ko ong•atani miksonganirangko talate on•angengon, Meghalaya a•dokara nitobegipa biaprang aro dingtang dingtang jatni daka rikanirangchi pattiako man•gipa a•dok ong•a aro ia film festival-ko ong•atanichi ian a•gilsak gimikni jawilwat tarigiparangko a•dokona re•bae jawilwatrangko tarichina okamani gita ong•gen aro ian a•dokni chadamberangna gital cholrangko oe on•ani gitaba ong•gen ine Rymbui aganaha.
Ia film festival-ko ong•atanio, jawilwatrangko tariani bidingo agan-skie on•ani program aro workshop-rangba donggen aro ian a•dokni chadamberangna jawilwat tarianiko skie ra•na namgipa chol ong•gen.
Na·simang iakoba nina man·gen:
Na·simang iakoba poraina man·gen: Permission gri jinma tom•ani, re•jomanirangko champengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
