Shillong, Jan 22: Re•baenggipa February 21 tariko ong•atenggipa Khasi Hills Autonomous District Council (KHADC) aro Jaintia Hills Autonomous District Council (JHADC) election-na pilak political dolrang aro candidate-rangan kamrangko ka•chichatokengahaon, Mawlai constituency-ni ning•o susaenggipa candidate-rangna an•tangtangni tom•anirangko ong•atna on•gija ‘Common Platform’ ba apsan biapon apsan tom•aniko ong•atna Mawlai Town Dorbar (MTD) tik ka•angaha.
Mongolbar salo MTD-ni dilgiparang, Mawlai constituency-o susaenggipa candidate-rang baksa tom•e chanchirimangenba, ia district council election-ode dingtang dingtang dake jinma tom•anirangko ong•atgija apsan biapon apsan tom•anirangko ong•atna manchie donangaha.
Ia chang district council election, Board aro University-ni porikkarang baksa apsan somoion ong•engani gimin election-na campaign ka•anirangchi chatro chatrirangni poraianirango maming nangchakeanirangko man•jana gita Mawlai constituency-o candidate-rangna common platform-ko jakkalna tik ka•angaha.
Iani bidingo kobor ra•timgiparangna talataniko on•angengon, Mawlai constituency-ni pilak jolrangon ‘Common Platform’-ko tarigen aro ia election-o candidate-rang, an•tangtangni tom•anirangko ong•atgija ia biapon apsan tom•aniko ong•atgen ine MTD-ni secretary Marco Mitri parakataha.
Ia Common Platform-rango rakgipa niamrangko ja•rikanggen ine talataniko on•angengon, ia biapo political dolrangni nisanrangko songna man•jawa aro candidate-san dongna man•aigen ine Mitri aganaha.
Ia common platform-rango tom•aniko joltangtangni dilgiparangan dilgen aro candidate-rangde jinmana aganpraknasan cholko man•aigen ineba MTD-ni secretary parakataha.
Na·simang ia video-koba nina man·gen:
Na·simang iakoba poraina man·gen: Skul nok pakmao ‘Allah Akbar’ ine seanina bi•sa saksako sasti on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
