Shillong, Jun 1: Mawsynram constituency-ni gitcham MLA aro National People’s Party (NPP)-na ku•wattimgipa Himalaya M Shangpliang-koba James K Sangma aro Hamletson Dohling baksana da•o June 18 tariko ong•atna sienggipa Rajya Sabha election-na NPP-ni candidate dake mingaha.
Rajya Sabha MP-ni candidate-na biming mingahani gimin an•tangni kusi ong•aniko parakatengon, Rajya Sabha-ni membor ong•na man•jagenchimoba ua Meghalaya a•dokna aro Mawsynram constituency-na dangdike on•angkuna kusi ong•aigen ine Shangpliang, kobor ra•timgiparangna aganaha.
NPP-ko jakgitel ong•batsranggipa party-rangoni dolsa ine janapatengon, Chief Minister Conrad K Sangma aro Deputy Chief Minister sakgni, chong•motan Prestone Tynsong aro Sniawbhalang Dhar-ni dilanichi ia party, 2018 bilsionin dal•rorobana man•aha ine Shangpliang aganaha.
NPP-ni dilanichi a•dok sorkari, Meghalaya a•dokna bang•en dingtanganiko ra•bana man•aha aro iako a•dokni pilak manderangan nikmanaha ineba ua aganaha.
Rajya Sabha-ni MP-na party-ni sakgittam membor-rangko minganian, NPP-ni niamo pangchake kam ka•aniko mesokani ong•a ineba Mawsynram-ni gitcham MLA aganaha.
Membor sakgittamoni saksakosan Rajya Sabha-ni MP ong•e watatna man•aigen ine janapatskaengon, ua Rajya Sabha-ni MP ong•na man•jagenchimoba a•doko party-na dangdike on•angkuaigen ine Shangpliang parakataha.
Na·simang iakoba nina man·gen:
Na·simang iakoba poraina man·gen: Boko Highway siani ja·ga pil·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
