Tura, Sep 28: Meghalaya Board of School Education (MBOSE)-ni bilsi 50 gapaniko maniani bak gita Bristibar salo District Sports Office baksa nangrime, Inter-School Tug-of-War competition ba skulrangni gisepo budu salgrikaniko New Tura kal•chakramo ong•atangaha.

Ia budu salgrikanio Tura-ni skul dambonga, chong•motan Mother’s Union Secondary School, Don Bosco Secondary School, Sherwood Secondary School, Montfort Centre of Education School aro Rootland Secondary School bakko ra•angaha aro skul damprakonin me•asa dol aro me•chik dol sak 13 ka•e bakko ra•angaha.

Me•chik dolrangni budu salgrikanio skanggipa boksisko Montfort Centre of Education chee, gnigipako Mother’s Union Secondary School cheangaha aro me•asa dolrangni budu salgrikanio skanggipa boksisko Don Bosco Secondary School chee, gnigipa boksisko Sherwood Secondary School cheangskaaha.

Ia budu salgrikaniko ong•atanio, MBOSE-ni Controller of Examinations TR Laloo, mongsonggipa sokgipa ong•e jinmana aganprakangengon, ia budu salgrikaniko ong•atna gita bakrimaniko on•ahani gimin District Sports Officer-ko mittelpilangaha aro ia budu salgrikanio bak ra•anggipa skulni skigiparangkoba mittelpilangaha.

A•doko lekka porako nambate on•na aro chatro chatrirangni namgnina MBOSE rakbate kamrangko ka•enga ineba Laloo parakataha.

Budu salgrikanio chegiparangna boksisrangko West Garo Hills Joint DSEO Office-ni LSEO Senora N Sangma aro Table Tennis Coach Rollingstone M Sangma on•angskaaha.

Iakoba poraie nina man·gen: CCI, Manipur-ni relief camp-rango donggipa bi·sarangna dingtang dingtang programrangchi didianiko on·a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub