Shillong, Dec 29: Meghalaya a•dokni Mawmluh Cherra Cements Limited (MCCL)-na gong crore 300-na baten tangka paisarangko koros ka•ani ja•manoba maming man•pilanirangko nikjahani gimin MCCL-ko chipna gita sorkarini tik ka•angani ja•man, iana Sohra-ni NPP MLA Gavin M Mylliemngap-ko dos galenba, uko so•ote galna gita Hynniewtrep National Liberation Council (HNLC) bobil dol ka•mikkenataniko on•angaha.
Iani bidingo kobor setimgiparangna seachi u•iatengon, NPP-ni MLA-ko kam watchina HNLC-ni general secretary aro publicity secretary Sainkupar Nongtraw didiataha.
“MCCL-ko sorkari chipatenga ong•ode Sohra-ni MLA Gavin Mylliemngap an•tangan daiko ra•na nanga aro MLA ong•aniko watna nanga. Ua kamtangko watja ong•ode HNLC, ukon dosi changen aro jekai na•a aro sorkari, MCCL-ko manggittang gope galna pa•a gita chingaba nang•gita dakgipa mandena siani sastiko on•skagen,” ine Nongtraw mikrakataniko on•ataha.
Batanggimin bilsi 15-ni gisepo a•dok sorkari, gong crore 350-na baten tangka paisarangko koros ka•ahaoba MCCL-ko tangatpilna man•jahani gimin sorkari, ia company-ko chipna tik ka•aha ine re•anggipa December 19 tarikosan Meghalaya a•dokni Chief Minister Conrad K Sangma parakatahachim ine nikna man•a. Chief Minister-ni talataniko on•angani gitade, MCCL-ko chalaiangkuna gita bang•bea tangka paisarangko koros ka•kuna nangengachim aro sorkario indita tangka paisarang dongjani gimin ia company-ko chipanian nambatgipa chol ong•engachim.
MCCL-o kam ka•giparangna voluntary retirement scheme-ko sorkari on•na tik ka•skaaha ine janapatengon, da•o dipet MCCL-ko chipna tik ka•aniko namede ka•sranga ong•kuja ineba Chief Minister talataniko on•angahachim.
MCCL-ko chipna gita sorkarini tik ka•aniko jegalatskaengon, ian ‘politics’-ni gita ja•ku de•anisa ong•enga aro Sohra-o songdongenggipa manderangni janggi tangani cholko bon•atanisa ong•enga ine HNLC bobil dolni general secretary matnangataha.
Iakoba poraie nina man·gen: Shillongni Shelter Home drugs jakkalram ong·skaa
WATCH:
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
-na gong crore 300-na baten tangka paisarangko koros ka•ani ja•manoba maming man•pilanirangko nikjahani gimin MCCL-ko chipna gita sorkarini tik ka•angani ja•man, iana Sohra-ni NPP MLA Gavin M Mylliemngap-ko dos galenba, uko so•ote galna gita Hynniewtrep National Liberation Council (HNLC) bobil dol ka•mikkenataniko on•angaha.){kind=link}