Shillong, Mar 30: Meghalaya Democratic Alliance (MDA)-II sorkari, a•dokko chalaianio, dingtang dingtang kamrangchi a•dokna dingtanganiko aro chu•sokaniko ra•bana man•aha ine Sombar salo, MDA sorkarina ku•wattimgipa Paul Lyngdoh a•kangataha.
Shillong songjinmani skul program-o bak ra•angani ja•man kobor ra•timgipa manderang baksa agangrikengon, dingtang dingtang political party-rangni nangrime chalaienggipa MDA-II sorkarini ning•o chu•sokatgipa kamrangni gimin Lyngdoh janapangaha.
MDA-II sorkarini jako ra•e chu•sokatgipa kamrangni gimin janapangengon, Shillong songjinmao mongsongbatgipa biaprangoni damsa Khyndailad ba Police Bazar-o dingtanganiko ra•bana man•aha ine Lyngdoh aganaha.
Lyngdoh-ni parakatani gitade, skango ia Khyndailad jolrang namen apchangketbegipa biap ong•achim indiba da•o ia biapo manderang jakgitele ja•achi re•na man•engaha aro ian ia sorkarini chu•sokatgipa kamrangoni mongsonggipa ong•aha.
MDA-II sorkari, Meghalaya a•doko dingtang dingtang jatrangni daka rikanirangko ripinge rakkina kam ka•an baksana a•dokko a•gilsakni gadangona ra•donaba kam ka•enga ine janapatengon, Shillong songjinmako ‘Rock ba Music Capital’ dake mingsing minggamanian gipin a•songrangoni manderangko Meghalaya a•dokona salbana dakchakenga ine Lyngdoh aganaha.
Meghalaya a•doko Williamson Sangma State Museum-ko kuliani, Ryndia ba Eri Silk-na Geographical Indication (GI) tag-ko on•ani aro mingnamgipa Jingkieng Jri ‘Living Root Bridge’-ko UNESCO World Heritage-o segatna India sorkarini ku•pattianirangkoba MDA-II sorkarini chu•sokani ine Lyngdoh parakataha.
Sorkarirang pangnan gitcham sorkarirangni donanggipa ra•bianirangko ra•rikna nangao ga•akronga ine janapatengon, ia MDA-II sorkari, a•doko matchotgija dongenggipa gitcham kamrangkoba bewalan chu•sokatna man•engaha ine Lyngdoh aganaha.
Na·simang iakoba nina man·gen:
Na·simang iakoba poraina man·gen: Manderangni nanganirangko Assam sorkari chu•sokatjaenga ine Jharkhand minister matnanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
