Shillong, Aug 25: Meghalaya a•doko medical college damgittamko kulina gita Sukrobar salo, Meghalaya Cabinet ra•chakangaha.

Ia medical college damgittamara Shillong, Tura aro Jowai-o ong•gen aro iana dingtangmancha sorkari, committee-ko songenba, ia college-rangko kulina gita proposal-koba tariangaha.

Shillong Medical College-ko kuliani bidingo chanchiangengon, da•o dongsogimin Shillong Civil Hospital aro Ganesh Das Hospital gita dakgipa cholrangko ra•e bilakbatatna aro a•dokni specialist doctor-rang aro gipinrangko ia medical college-ni faculty membor dake jakkalani cholrangko nina sorkari tik ka•angaha.

Tura medical college-ni kamrangkode da•o ka•engahani gimin ia medical college-ko mingnamgipa medical institute-rang baksa bakrime PPP mode-o chalaina gita sorkari cholrangko nina tik ka•e donangaha.

Ri Bhoi a•jaode University of Science & Technology Meghalaya (USTM), dingtangmancha PA Sangma International Medical College-ko kulina kamrangko a•bachengataha aro ia medical college-o a•dokni chatro chatrirangna dingtangmancha seat-rangko indin ba komibata damrango on•na tik ka•aha.

Indake ong•engon, a•doko allopathy doctor-rang, AYUSH physician-rang, dental surgeon-rang aro nurse-rangko kam ra•na gita dingtangmancha Meghalaya Medical Services Recruitment Board (MMSRB)-ko songna aro Revamped Distribution Section Scheme (RDSS)-ko ra•gatna gitaba Sukrobar salo a•dokni Cabinet ra•chakangaha.

Meghalaya a•doko da•o Shillong, Tura aro Jowai jillarango Polytechnic-rang dongahani gimin aro iarang baksana gipin dambri biaprangoba polytechnic-rangko kulina siengahani gimin Shillong-ni Meghalaya State Council of Technical Education-na chu•gimik on•kange kam ka•nagipa secretary-ko songna gitaba Cabinet ra•chakangaha. DHTE-ni Additional Director A Ali, bakan kamoni neng•takangna siengahani gimin uko ja 24-na MSCTE-ni skanggipa full time secretary songna gitaba Cabinet tik ka•angaha.

Kamoni neng•takgimin IFS officer CP Marak-ko ja 12-na MBOSE-ni Executive Chairman aro kamoni neng•takgimin IAS officer Ripnar Lyngdoh-ko Meghalaya State Information Commission-ni State Information Commissioner songna gitaba Cabinet-ni tom•anio ra•chakangaha.

Unbaksana Captain Williamson Technical University-ko Captain Williamson Sangma State University ine mingsreani Bill-koba Cabinet-ni tom•anio ra•chakangaha.

Iakoba poraie nina man·gen: Shillong-o chatro saksako motorcycle salgaka

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub