Shillong, March 11: Opposition dol All India Trinamool Congress, Meghalaya Energy Corporation Limited (MeECL) na online gita tangka gamanio gong 5.9 ko gamdapna nangani bidingo sing•doangaha.
Gipinrangode online gita tangka gamanio gong•saba gamdapna nangja uni gimin mamingba neng•nikaniko jakkalenggiparangna on•jana gita ia neng•nikaniko namatna nanga ine Charles Pyngrope assembly-o sing•doangaha. Ia online gita tangka gamanina saksa mandeko rakkienga aro tangka 2.50ko wata changantian gamna nangskaa ine power ministerni aganana opposition dol iako sing•doangaha.
MeECL ara biltangchin gimikkon dakna amaengama ine Rangsakonani MLA Zenith M Sangmani sing•on, “Chinga an•tangtangaride gimikko chilgope ka•na bilgri, unigimin gipinrangchiko tangkarangko srona nangtelaia” ine Tynsong talatangaha.
