27.5 C
Tura
spot_img

Meghalaya a•doko dam 3 CUET Centre-rangko songgen: Rakkam Sangma

Must read

Shillong, Feb 29: A•dokni Education Minister, Rakkam Sangma, National Testing Agency (NTA) Shillong-o dam 2 aro Tura-o dam sa, chu•gimik dam 3 Common University Entrance Test (CUET) Centre-rangko songe on•angna tik ka•aha inenba parakataha.

A•dok sorkarini gita dam 5 CUET Examination Centre-rangko under graduate ba Bachelor degree-ko matchotkugijagipa chatro chatrirangna songe on•china janapahachim, indake ong•genchimoba, ia entrance exam-ko segipa chatro chatrirang barigenchimosa, bangki centre-rangko songe on•anggen inenba NTA aganchakaha.

Indake, ia CUET porikkako, mikkang jao ong•atna gita tik ka•manaha.

CUET porikkako seani bidingo janapengon, CUET porikkako segipa chatro chatrirang komiani gimin, University-ni seat-rango gapkujaenga inenba, NEHU-ni Vice Chancellor aganaha.

Indake, Captain Williamson Sangma State University-ko a•bachengatachi chatro chatrirangni kosako sinjetanirang komigenok ineba ua agandapataha.

Unbaksana, Central University-rangko poraina man•a gita under graduate ba Bachelor degree-ko matchotkugijagipa aro post graduate ba Bachelor degree-ko matchotman•gimin chatro chatrirangko,  CUET porikkako sechina a•dok sorkari didiataha.

Batanggimin somoio, central University-rango mongsongbate NEHU University-o admission ra•na CUET porikka sekugijagipa chatro chatrirangko ra•chakachim, indake ong•genchimoba, ia bilsiode ra•chakna man•jawa inenba Education Minister aganaha.

Na·simang iakoba poraie nina man·gen: SSC-GD porikka seaniko champenganina, Veer Lachit Sena-ni sak 6 memborrangko rim•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

spot_img

More articles

spot_img
-->

Latest article