Shillong, Apr 19: Meghalaya-ni Tura aro Shillong Constituency-rango bang•a manderangni re•bae pu•onnaniko nikna gita man•enga aro ia pu•onaniko name tom•tome ong•atna man•enga. Indake, salni 1 bajiona kingking pu•ongiparang 52% mang gapaha ine Election Department official-rang parakataha.
Indake, Shillong aro Tura seat-na susaenggipa candidate-rangba an•tangtangni gamchatgipa vote-rangko pu•onangaha.
A•dok gimikoniko sak 22 lakh manderang an•tangtangni man•gimin bilrangko jakkale pu•onanggen. Iani gisepon, salni 3 bajini gisepo, pu•ongipa manderang bariroroanggen ineba janapataha.
Indake ong•enggon, Shillong songjinmani pilak polling station-rango bang•a manderangni re•bae pu•onnaniko nikna man•enga.
Apsan daken, South Garo Hills a•jani Baghmara polling station-oba, chadamberangoni bregimin manderangona, pringni bakonin re•bae pu•onengaha ine nikna man•a.
North aro East Garo Hills a•jarangni dingtang dingtang polling station-rangoba, bang•a manderangni riting riting chadenge pu•onna sengtokenganiko nikna man•enga.
Indake, Ri-Bhoi aro Jaintia Hills a•jarango, salni 1 bajiona pu•ongipa manderang 53% mang gapaha, iani gisepon, East aro West Khasi Hills a•jarango pu•ongiparang 54% mang gapaha ine parakataha.
Na·simang ia video-koba nina man·gen:
Na·simang iakoba poraina man·gen: Lok Sabha polls| Meghalaya-o pring konta 2-ni gisepo vote on·nani 10% gapa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
