Shillong, Apr 19: Meghalaya a•doko Lok Sabha election-ko tom•tome matchotatna man•aha aro attamni 5:00 bajiona kingking a•dok gimiko pu•onani 69.91 percent gapaha ine Sukrobar attamo, Meghalaya a•dokni Chief Electoral Officer (CEO) BDR Tiwari parakataha.
CEO-ni u•iatani gitade, Sukrobar attamni 5:00 bajiona kingking Shillong parliamentary constituency-o pu•onani 70.26% aro Tura Lok Sabha constituency-o 69.31 percent gapskaaha.
Pu•onaniko a•bachengatna skang ‘mock poll’-ko dakanio adita electronic voting machine (EVM)-rang name kam ka•jahani gimin bodolna gita nangaha ineba CEO aganaha.
CEO-ni parakatani gitade, ‘Mock poll’-ko dakanio ge 26 Ballot unit (BU), ge 32 control unit (CU) aro ge 64 VVPAT-ko bodolna gita nangaha aro pu•onani somoioba ge 21 BU, ge 22 CU aro ge 55 VVPAT-ko bodolna nangaha.
Ia ostrorangko somoi gitan bodolna man•aha ineba ua aganaha.
Meghalaya a•dokni pilak polling station-rangon maming so•sojengjeng ong•anirang dongjaha aro election-ko tom•tomen matchotatna man•aha ineba Tiwari parakataha.
Na·simang ia video-koba nina man·gen:
Na·simang iakoba poraina man·gen: Manipur-o so•sojengjeng ong•anirang dongahaoba manderangni pu•onani 68% gapa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
