Shillong, March 30: Meghalaya a•doko, nambata gadango sanna bannaniko manderangna on•na, Animal Husbandry aro Veterinary-ni Minister AL Hek, ARHI Hospital-ko sonibar salo oprake on•aniko dakangaha. Ia hospital-ko rikanichi Mawsmai, Jorabat aro pilak Northeast-ni biaprango songdong a•chaenggipa manderangna namgni onggen.
Ua biapni MLA Sosthenes Sohtun aro gitcham DHS Dr Aman Warr baksana Angelcure Research Hospital and Institute (ARHI)-ni seokgimin manderangni dongpaanio Outpatient Department (OPD)-ko oprake on•angaha.
Hospital-ko rikna biapko sandimiting somoio, Hek, ia hospital-ko “mandena dangdike on•aniara Nokgipana dangdike on•anian ong•a” ine bebe ra•anio pangchake rikna chanchiaha.
Ia hospital-o palang ge 200-rang gnang aro ian Northeast Cancer Hospital-ni mikkangon ong•a. Adita jarangni jaman iako banga dingtang dingtang specialist doctor-rangchi chalaina man•gnok ineba ka•dongsoenga. Da•o dipet sak 32-35 doctor-rangko sanna bannaniko nanggipa manderangna uamangni nangnikaniko on•a man•a gita rakkiman•aha.
Indake ong•engon banga doctor-rangko niksona ka•dongsoenga indake sak 100-onade biaprang gnang aro indake nurse-rang aro technical-assitant-rangko man•chape sak 300 mangni gita hospital-o kam ka•giparang onggen.
Hek-ni aganani gitade, Nurse-rangko Meghalaya-onikosan ongja indiba Assam aro North-East gimikonikon ra•enga.
Dr Sandeep-ni aganani gitade, “chinga dingtang dingtang biaprangoni dingtang dingtang specialist-rang ong•a, indake chingo bang•bea changa sapanirang gnang aro chinga apsan miksonganio ku•cholsan ong•e kamko ka•na re•baaniko nangnikaha. Chingni apsan ong•ani maming saloba dingtangjawa. Chinga pilak Northeast aro a•dokni a•palo donggipa specialist-rangko re•baenba kam ka•china aro apsan miksonganiko chu•sokatna kamko ka•china,” didianiko dakangaha.
Na·simang iakoba poraina man·gen: NCHAC mikka balwa rakdape nosto ong•atako man•gipa songrangna dakchakaniko on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
