Shillong, April 4: Sukrobar salo, Skotong Minister Conrad K Sangma, a·gipibatgipa official-rang, Deputy Commissioner-rang aro department-ni dilgiparangni dongpaanio Cabinet Room-o Disaster and Relief Monitoring System (DRMS)-ko a·bachengate on·angaha. Revenue & Disaster Management Department, NIC Meghalaya baksa nangrimenba ia system-ko namdapataha. Ian ge·sa on·line system ong·a jeon ong·telaigipa a·selrangni gimin kobor on·ani, dakchakanirangko on·ani baksana State and National Disaster Response Funds (SDRF and NDRF)-ni ning·o relief-ni tangkarangko altuae aro ta·rake watatna man·a gita tariaha.
Ia gitalgipa system, nanggitan somoio lekka pancharangko seanio somoi re·atgija dakchakanirangko ta·rake sokatna man·gen ine Sangma u·iataha. Meghalaya a·doko ong·telaigipa a·selrangko jakdangdikanio chu·gimik digital ong·atna gita dal·begipa ja·ku de·ani ong·enga.
Ia DRMS, je biapoba ong·telaigipa a·selrang ong·genchimoba official-rangna tiktak biapko u·iataniko on·enba ta·rake dakchakanirangko sokatan baksana ian jakdangdikna nanggija Block Officer-rang, District Official-rang aro Disaster Management Department-ko altuae apsan nangrime kam ka·na dakchakaniko on·anggen. Ia system-ara, Public Financial Management System (PFMS) baksa nangrimatako man·aha, jedakode relief-ni tangkarangko nangchongmotgipa manderangna naljokani baksa joljol watatna gita man·gen.
Ian ong·enga obostarangko joljol mesokatenba u·iataniko on·e, ong·telaigipa obostarangni somoio official-rangna nambata tarisamsoaniko dakna dakchakgen.
Ia system-ko, pilak ong·telaigipa obostarang jekai chi ban re·anirang, a·a ruronganirang, balmindurirang aro banggrianirangnaba jakkalna man·gen. District Official-rang aro department-rangna ia system-ko name jakkalna man·a gita iani gimin training-koba on·anggen.
Na·simang ia video-koba nina man·gen:
Na·simang iakoba poraina man·gen: KSU-ni National Awakening Movement Day-ko Jaintia Hills-o mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
