Shillong, Dec 9: Meghalaya High Court, Shillong Airport-ko dal•dapatani bidingo da•ona kingking ka•enggipa kamrangni bidingo A•dok sorkari aro Airports Authority of India-ko report on•china December 11 tarikona kingking somoi on•aha.
“Chinga A·dok sorkari aro Airports Authority of India-ko da•ona kingking ka•enggipa kamrangni bidingo affidavit ka•e report-ko on•china ge•etaniko on•aha. Indake ong•engmitingo a•ako jako ra•ani bidingo pilak lekkarang aro dakna nanggnirangko matchotgen ine chinga ka•dongsoenga,” ine Chief Justice Soumen Sen aro Justice W Diengdoh Sombar salo PIL-ko knaani ja•mano hukumko on•ataha.
Airport-ko dal·batatna nanggipa a•arangko jako ra•na gita dakna nanggni adita kamrangko kachari janape on•angaha.
Indake ong•ggenchimoba, a•dok sorkarini man•manaha ine aganenggipa 11.75 acre a•arangni bidingo aro Defence-ni a•ako ma•eke ba ma•ate on•ani bidingo talataniko dakna nanggen ine kachari janapangaha. Equal Value Land-o (EVL) pangchake Defence-ni a•ako jakkalanio kamrangko ka•sona ine Ministry of Defence a•dok sorkarina rai-ko on•aha.
Defence-ni a•ani palo Ri-Bhoi a•jani Umroi Madan-o donggipa airport-ko dal•dapatna nangenggipa a•ako ra•aniko Cabinet ra·chakmanaha ine kachari parakataha. Uandake, 10.30 acre a•arangko uamang nangrime ma•ekanirangko dakaha, indiba EVL-ni bidingode namedake chanchirimanirangko dakkuja.
“Kam ka•anirango champenganirangko namatna ba ra•galna Shillong Airport, AAI-ni Airport Director-ni Commissioner & Secretary, Transport Department, Meghalaya sorkarina namedake tarikrangko tik ka•kuja. Janapgimin kamrangko matchotkujana kingkingde kamrangko a•bachengatna skang tender-ko on•atna man•jawa ine Defence Estate Officer/local military authority-ko 10.30 acre a•arangko pakwatna aganengmitingo janapaha. Ia a•arangko toe ma•atarangko dakmanaha.
“Dolgnini gisepo tik ka•gimin gita Defence-ni a•ako pakwatani bidingo obostarangko nirokatchina aro Defence/Estate Officer/local military authority baksa agangrike kamrangko ta•rakatchina chinga DSGI-ko mol•mola,” ine seatgimin ge•etanio janapaha.
Ia obostani bidingo December 11-o kachario hearing-ko ong•attaigen.
Na·simang iakoba nina man·gen:
Na·simang iakoba poraina man·gen: Sonu Nigam uni ‘Deewana Tera Tour’-ko Dec 14 tarikoni a·bachengatgen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
