Shillong, July 9: Sonibar salo Meghalaya a·dokni Chief Minister Conrad K Sangma, Meghalaya High Court-ni Chief Justice Sanjib Banerjee, a·dokni Education Minister Rakkam A Sangma aro a·dokni Law Minister Ampareen Lyngdoh-ni mikkango, Meghalaya High Court-ni Annex building ba High Court-na rikdapgipa nokko nokdonggae on·angaha.
Ia gital rikdapgipa nokko gong crore 45 koros ong·e rikaha aro ia gital building-o auditorium, lawyer-rangni kuturirang aro gipin cholrangkoba donaha.
Meghalaya High Court-ni Annex building-ko nokdonggae on·angani somoio a·dokni Chief Minister, jinmana aganprakatengon, ia gital nokko rikna rakbee kamrangko ka·ahani gimin Law department-ni official-rangko mittelpilangenba, kakket bichalko on·anio kachario kam ka·giparangna gital chasongni kolrangko on·na nangani gimin aganangaha.
Darangnaba mikkang niteani gri kakket bichalko on·na kamrangko ka·engani gimin Meghalaya High Court-ko mittelpilangskaengon, ia gital nokko rikdapanichi Meghalaya High Court-ni kamrangko namdapatna dakchakani ong·gnok ine Chief Minister parakataha.
A·doko namroro silroroaniko ra·bana gita sorkarini on·kange ka·enggipa kamrangni giminba ia tom·anio Chief Minister, jinmana talate on·angaha aro a·doko sorkari LP aro UP skulrangkosan ong·aigija chubata gadangni lekka porako namdapatna gitaba sorkari batanggimin bilsirango bang·en skul nokrangko rikdape on·aha ine parakataha.
Ia tom·anio Meghalaya High Court-ni Chief Justice Sanjib Banerjee-ba jinmana aganprakangengon, Meghalaya High Court-na gital annex building-ko rikaniara, judiciary-ni kamrangko namdapatna gita ja·ku de·chahakatani ong·aha ine parakangaha.
Kachario kam ka·enggipa judge-rang, ukilrang aro pilaknan namgipa kam ka·chakanirangko nangani giminba ua ia tom·anio aganangaha.
Iakoba poraie nina man·gen: Manipur-o game-ge·e cha·enggiparangna a·dokni police-rangko jakkale chel·chakaniko on·angnasia
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
