Tura, Feb 3: Meghalaya Koch Association, a•dok ning•o ku•siktangko ripingna aro tang•doatna man•a gita aro a•doko Koch-rangni man•gni gamrangko silroroatna inenba, Sonibar salo South Garo Hills-ni Jatrakonao chang 5-gipa tom•bimonganio, a•dokni Skotong Minister Conrad K Sangma-o dabiangaha.
A•doko manderangni namgnina dingtang dingtang cholrangko on•enganina mitelatengon, uamangni songdongkamgipa songrango, Lower aro Upper Primary School-o jakkalenggipa ku•sik, Assamese aro Bengali-ni palo, Koch ku•sikko ra•gatskachina inenba Meghalaya Koch Association mol•molataha.
Ia dabianiko, New Education Policy ba gitalgipa Education Policy-o pangchake, Right to Education Act, 2009-ni ning•o ong•gipa section 29(F)-ni chapter V-o pangchake aro on•sogimin ge•etanirango chatro chatrirangna ku•siktangko jakkalna nanga ine janapanio ga•chate, uamangni ku•sikko ra•gatna nanga ine dabiani ong•achim.
Meghalaya a•dokni Skotong Minister, Conrad K Sangma jinmana aganprakengon, Koch ku•sikko ra•gatna sorkarini gita chanchirimaniko dakanggen ine ku•rachakaniko on•angaha.
Iana agreba, uamangni Koch songrangoba, Career Counseling Centre-rangko rikna gita tangka paisachi Meghalaya sorkarini gita dakchakaniko on•china ineba ia memorandum-o janapataha.
Koch jatrang, Meghalaya a•doko dongenggipa jatrangni gisepo jamanchakbegipa aro jelanioba komibatbegipa ong•achim, indake, Para-military Forces-na coaching centre-koba rikna gita tangka paisachi dakchakaniko on•china ine Koch Association mol•molataha.
Una agreba, a•dokni reservation policy-o pangchake sorkarini kamo rakkina gita komibeoba 15% mangni gita chadamberangna on•china ineba uamang dabiangaha.
Iakoba poraie nina man·gen: Rahul Gandhi-ni Bharat Jodo Nyay Yatra-chi Guwahati-o so•sojengjeng ong•aniko SIT sandirokgen
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
