23.2 C
Tura
spot_img

Rahul Gandhi-ni Bharat Jodo Nyay Yatra-chi Guwahati-o so•sojengjeng ong•aniko SIT sandirokgen

Must read

Guwahati, Feb 2: Adita salrangna skang, Congress dolni Bharat Jodo Nyay Yatra-ko Assam-ni skotong Guwahati songjinmao champengsoani ja•man police aro Congress dolni gisepo dinggrikanichi so•sojengjeng ong•aniko sandirokna gita Special Investigation Team (SIT)-ko songaha ine Sukrobar salo, Assam a•dokni Chief Minister Himanta Biswa Sarma parakataha.

Iani bidingo kobor ra•timgiparangna talataniko on•angengon, ia a•selni bidingo Assam sorkari, minggni case-rangko segataha aro Guwahati songjinmao ong•gipa a•selko sandirokna gitade SIT-ko songaha ine Sarma parakataha.

Advertisement

Ia a•selni bidingo SIT sandirokanirangko dakna a•bachengataha ine janapatengon, Assam-o Rahul Gandhi-ni Bharat Jodo Nyay Yatra-ko dakaniara uni ‘gangbo’ dakaniko mesokanisan ong•aia aro Guwahati songjinmao ia a•sel ong•ani ja•man ua jripjrip Guwahati-oni Delhi-ona re•angaiaha ine Assam CM parakataha.

Re•anggipa January-ni 23 tariko, Rahul Gandhi-ni dilbaenggipa ‘Bharat Jodo Nyay Yatra’-ko Assam a•dokni skotong Guwahati songjinmao napna on•gija champengsoani ja•man Congress dolni manderang, Assam police-rang baksa Khanapara jolo dinggrikahachim.

Ia a•sel ong•ani ja•man, manderangko ding•chaoate so•sojengjeng ong•ataha ine matnangenba, Rahul Gandhi-ni kosako mokordomako segatchina gita Assam-ni CM, Director General of Police (DGP)-na ge•etaniko on•ataha.

Iakoba poraie nina man·gen: WKH-ni Riangdo kal•chakramo Artificial Football Turf-na pangchakaniko CM songa

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub

 

spot_img

More articles

spot_img
-->

Latest article