Shillong, Apr 28: Meghalaya a•doko English baksana Khasi aro Garo ku•sikrangkoba Official Language dake ra•gatna Meghalaya Official Languages Ordinance 2026-ko pass ka•ani ja•man bakan niamrangko tarignok ine Mongolbar salo, a•dokni Deputy Chief Minister aro Parliamentary Affairs Minister Prestone Tynsong parakataha.
MDA-I sorkariko rikchengaonin ia sorkari, a•dokni manderangna dangdike on•anio mongsonggipa ja•kurangko de•chakataha aro da•o MDA-II sorkarini somoioba a•doko songdongenggipa manderangni namgnina Khasi aro Garo ku•sikrangko Official Language dake ra•gatna Meghalaya Official Languages Ordinance-ko pass ka•e on•aha ineba Tynsong parakataha.
Ia Ordinance-ko Sombar salo a•dokni Governor ra•chakahani gimin da•o Khasi aro Garo ku•sikrangba a•dokni official language ong•aha ine janapatengon, iako da•o Meghalaya Gazette-o chapa ka•aha aro bakan ia ordinance-na niamrangko sorkari tariahaon a•dokni manderang, pilak kamrangon ku•tangko jakkalna man•gnok ine Deputy CM aganaha.
Ia Meghalaya Official Languages Ordinance 2026-ko re•baenggipa August-September jani gisepo Autumn Session-ko ong•atanio Assembly-ona ra•bapilgen ineba Tynsong parakataha.
Na·simang iakoba nina man·gen:
Na·simang iakoba poraina man·gen: Shillong LS bypoll-o angni susaaniko bang·a manderangan nangnikenga : Pala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
