Shillong, May 6: May 6 tariko Meghalaya sorkari a·doko bilgrigipa jat ba man·anio komigiparangna jeon Shedule Caste, Schedule Tribe aro skia pora man·ani gadango ja·man chakkuenggiparangna man·ani aro gamrangni bidingo see jote on·ani bidingo sorkari chanchirime office memorandum-ko ra·chakangaha.

A·bachengo ian mingsadingdingo ga·chatesan songsalo bilgrigiparangna a·kangani dongaiachim, indiba da·alo Cabinet-ni tik ka·gimin-ni ning·o India ma·mong sorkarini post office ba gipin officerango ba ma·mong sorkarini chalaigipa skie ra·chakramrangoba a·kanggimino pangchake chol man·pagnok ine Skotong Minister Pa Conrad K Sangma aganaha.

Jeon Shedule Caste aro Schedule Tribe -ni ning·o a·kange on·ako man·gimin aro bilsio man·ani lakh 8 batgiparangna ba a·a jumin bigha 5-na komigija donggiparangna ong·jaenga aro uamangkode ia Office Memorandum-ni ning·o man·chapjawa ineba Pa Sangma talatdapaha.