Guwahati, June 7: Adita salrangna skang Meghalayani Ri Bhoi districtni Nongpoh Police Station sepango a·sel ong·e chadame me·chik saksa Namrata Bora-ni siani bidingo, namedake aro kakkete sandianiko dakchina Assamni Skotong Minister Himanta Biswa Sarma Meghalyani Skotong Minister Conrad K Sangmako didiaha.
June 4 tarikni pringwalni bako Assamni gari AS 01 EV 9578-na ia a·sel ong·aha. Gadochapgipa sakbride bang·gija mata-buanirangko man·aha, indiba Namrata Bora-de biapon janggi galaha.
Nongpoh Police Station-o ia a·sel ong·aniko register ka·aha, indiba duko ga·akenggipa nokdangni aro gipin manderangni nangnikaniko nike, ia a·selo ong·gipa pilak obostarangko parak ong·atchina ine Sarma social mediao gatate Meghalayani skotong minister Conrad Sangmako sandianiko dakchina mol·molaha.
Sianggipa ukil Namrata Borah-ni June 4 tariko a·sel ong·anio dingtang dingtang kattarangko knana man·aha, uandaken manderang bang·a chanchianirang nabaaha aro kakketgipa bichalko ra·bana Assam aro Meghalayao dabiaha.
Media-o parakatani gitade, gari-o gagipa sakbongaoni saksa Mriganka Boruah
IPL Matchni ja·mano uamang cha·ani cha·na ine ong·katangachim aro Guwahati-ona re·bapilmitingo, ramasamo donenggipa gariko gelna ine perimitingo ia a·sel ong·aha aro uno Namrata jakasichipak asonge namen mata-buanirangko man·aha ine uamangoni saksa, Mriganka Boruah mediana parakataha ine kooborko man·aha.
Namrata-ni nokoni security guardni aganani gitade, a·sel ong·na adita minuterang skang, hospitalona re·na nanga ine me·chik sakgni baksa ong·katangskaaha. Uandake uamangni sakgnini agangrikanirang melija. Mriganka-ko a·bachengo law poraigipa ine chanchichipachim indiba sandirikitani ja·mande ua saksa guesthouserangko chalaigipa aro namen man·e cha·gipa gita janggi tangmesokgipa sa ong·achim, uandake da·o dipetde uni kosako potchipanirang gnang.
Ia a·selko name sandirikkitchina aro dos dakgiparangko am·china Namratani pagipa Assamni skotong minister Himanta Biswa Sarma-ko mol·molaha.
Na·simang ia video-koba nina man·gen:
Na·simang iakoba poraina man·gen: Mizoram-o mikka chi-ko jakkalchina manderangko didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
