Shillong, May 31: Meghalayaoni bilsi 27 ong•gipa Ankur Das, Union Public Service Commission ni 52 gipa All India Rank-o pass ka•e a•dokna mikkim rasongko ra•baaha.
Ankur Das St. Edmund Skul Shillongo poraie ICSE board-o class 10 ko pass ka•e class 12 koba Shillongni Army public skulo matchotangaha. Uni ja•man degreeko Amity university Noidao poraiaha. Salgro-Salaram a•dokrangoni UPSC porikkako ia bilsio see chu•sokgiparangoni ua skugipa gadango chu•sokgipa ong•paaha.
“Ian angni bongagipa changna jotton ka•e seani ong•a. Anga gipin coaching centre rangoba napgija, an•tang jotton ka•drake, notes rangko an•tang tarie aro songbadrangko salanti poraiaha ine Hub newsna aganaha.
Chadamberangna ia chu•sokani bidingo aganengon, ian an•chingni chu•sokanina katsusaani gita chacha ong•a. Chu•sokna kingkot kam ka•na nanga. Bimchipe aro gisik nange poraigenchimode an•tangko on•kange poraigenchimode chu•sokna man•telaia ine ua agandapaha.
