Shillong, Sep 18: Robibar salo, Mizoram a·dokni police-rang, Churachandpur a·jani Khawzawl police station-ni ning·o donggipa Tuisenphai Checkgate-o dam rakbegipa adita matburingrangko rim·sona man·aha.

Koborko on·ani gitade, ia matburingrangko Myanmar a·songoniko ra·baengachimkon ine police-rang chanchichipenga aro ia matburingrangko Mizoram Police-rang, Champhai a·jani bilsi 25 ong·gipa Vanlalrosiama aro bilsi 52 ong·gipa C Liangkunga-oniko man·aha.

Jokata man·gipa matburingrangko aro rim·a man·gipa gariko ja·mano police-rang, Customs Preventive Force-na pakwate on·ataha.