Shillong, Feb 16: Meghalaya a·doko scientific mining ba niamo pangchake koela bikotaniko a·bachengna gita sorkari ja·kurangko de·engaha ine Sukrobar salo, Meghalaya a·dokni Governor Phagu Chauhan aganaha.
Budget session-ni skanggipa salo jinmana aganprakengon, Meghalaya a·doko niam gita koelarangko bikotna sak 17 manderangni licence-na dorgasto galaniko India sorkarini Coal Ministry ra·chakmanaha ine Governor parakataha.
Dorgasto galgipa sak 17 manderangoni sak 6-de ma·mong sorkarina geological report-rangko on·e, sorkarini ra·chakaniko man·aha ineba ua aganaha.
Dorgasto galgipa sakbri manderangni mining plan-rangkoba Coal Ministry ra·chakmanaha aro da·o environment clearance-na sengkuenga ine janapatskaengon, ia kamrang matchotangengahani gimin a·doko niam gita koela bikotaniko bakan a·bachengna man·gnok ine Governor parakataha.
Na·simang Iakoba poraie nina man·gen:Shillong Lok Sabha seat-na ukil saksaba susagen
WATCH:
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
