Guwahati, Dec 27: Skanggipa changna Northeast Frontier Railway (NFR), Overhead Equipment (OHE) aro Power Supply Installation (PSI)-ko man•chape railway-o bijolini bosturangko simsak nirokaniko namdapatna gita IRCON international Limited baksa bakrimaha.
NFR-ni General Manager, Chetan Kumar Shrivastava aro IRCON-ni Managing Director, H.M. Gupta, December jani 26 tariko apsan kam ka•na ku•monggrikani lekkao soi ka•grikenba jinmana parakataniko dakataha. Ia soi ka•grikaniara Lumding aro Tinsukia jolrango railway-rango bijolichi chalaigipa bosturangko tang•dobatatna ja•ku de•ani mongsonggipa bak ong•a.
1976 bilsirangoni, IRCON-ko India a•songo bilongen rak•begipa rika cho•ani kamrangko jako ra•e ka•baengani gimin mingsingako man•gipa, Overhead Equipment (OHE) aro Power Supply Installation (PSI)-rangna nambatgipa nirok simsakaniko on•a NFR baksa bakrimaha inenba, NFR-ni Chief Public Relation Officer, Kapinjal Kishore u•iataha.
Ia jolo bijolichi chalaigipa bosturangko tariani ta•raken matchotangengon mittam bakrangode jakkalna gitaba man•engaha. Dongkuenggipa 425 km-rangni gitade 2025 bilsini June jaode matchotna ka•dongsoenga. Ia bijolichi chalaienggipa bosturangko jakkalani batrorobaengon, nosto ong•anirangko tarina aro simsak nirokna gita bijolini boaturangni bidingo u•igipa ba tarina sapgipa manderangko nanganirang barignok.
Na·simang ia video-koba nina man·gen:
Na·simang iakoba poraina man·gen: Meghalaya a•dokni Mawlynnong gilja noko influencer saksani kragija kamna ding•chaotoka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
