Shillong, Feb 16: Meghalaya-ni Governor C. H. Vijayashankar, Meghalaya a·dok dam 6 biaprango sima krongrangko songna ra·chakgiminoniko dam 2 biaprango songanichi Assam baksa man·enggipa neng·nikanirangko namatna dal·begipa ja·ku de·aniko dakangaha ine aganangaha. Da·o dipet, Hahim-o ge 54 aro Gizango ge 83 sima krongrangko songani gisepon, krong songani kamrangkoba ka·engkuenga.
Indake ong·engon, ua India-Bangladesh sima ari-rango Border Security Force-ni dakchakanichi, nambata u·iatanirangko jakkale aro jolo name nirokaniko dakanichi naljokataniko mangrakbatataha ine u·iatangaha.
Baghmara-o Special Security Force-rangna training-ko on·a gita gital Counter Insurgency and Jungle Warfare School-ko kuliaha ineba C. H. Vijayashankar parakataha.
Iana agreba, kakket bichalko ka·e on·ani bewalko namdapatan baksana tang·dobatatna a·doko gital criminal laws ba niamrang jekai Bharatiya Nagrik Suraksha Sanhita, Bharatiya Nyaya Sanhita aro Bharatiya Sakshya Adhiniyam-ko jakkalaniko a·bachengataha ine u·iatengon, digital evidence, online summons aro community service ba songsalna dangdike on·nani gital niamrangkoba a·bachengate on·angaha ineba ua agandapangkuaha. Iana agreba, police dolrangna case-rangko nambate am·sandianiko dakanio dakchakaniko on·a miksonganio a·dok sorkari mobile forensic vehicle aro forensic team ba dolrangko a·ja gimiknan on·angaha.
Na·simang iakoba nina man·gen:
Na·simang iakoba poraina man·gen: NSCN (Akato) dolna sikap tangkap kamko ka·gipa saksa Khonsa-o chel·chakgipa dolrangna an·tangko bame on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
