Shillong, Feb 25: Meghalaya a·dok sorkari, gue pangni bisokrang sianganiko champengatna bang·a dingtang dingtang ja·ku de·anirangko dakengaha ine Agriculture Minister Timothy D. Shira, Assembly-o u·iatangaha.
Special Task Force aro District Team-rangko a·bachengatani gisepon, a·dok sorkari GIS technology-ko jakkale gue pang sianggiparangko sandienga aro drone-rangchi samrangko satenga. Una agreba, uamang 2025 bilsini October 28 tariko, Kerala-ni ICAR-Central Plantation Crops Research Institute (CPCRI) baksa gue pangrangko namdapatna gita science-ni gita u·i-ma·sigiparangni dakchakaniko man·a soi ka·grikangaha.
2026 bilsini January 28 tarikoni February 6 tarikona, Meghalaya Basin Development Authority (MBDA)-ni dakchakanichi GIS technology-ko jakkale North Garo Hills-o survey ka·aniko dakangaha aro ta·raken gipin a·jarangoba survey ka·anirangko dakanggnok. 2025 bilsini August jao, West Garo Hills-ni mitam biaprango drone survey-rangko dakangaha. Uni jamano, 2025 bilsini November jao NECTAR aro SVM-ni dakchakanichi dingtangmanchagipa sam (Bordeaux Mxture)-ko satangskaaha.
A·dok sorkariba game ge·e cha·giparangna bio-pesticide-rang aro ostro-rangko subsidy dake on·engan baksana jaanti rongtal an·talatani aro report-rangko Meghalaya ONE Portal gita on·skaenga. ICAR, KVK-rang MBMA aro CPCRI-ni scientist-rangni tarigimin ku·pattiani leaflet-rangkoba game ge·e cha·giparangna suale on·angaha.
Gue bisokni sianganichi nangchakea man·gipa game ge·e cha·giparangna dakchakaniko on·a a·dok sorkari FDS aro RKVY scheme-rangni ning·o gipin bolam biterang jekai te·rik, anaros aro gulmoris-rangko on·enga.
Na·simang iakoba nina man·gen:
Na·simang iakoba poraina man·gen: IYC-ni prez-ko watpilchina dabie Tripura Youth Congress jingjengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
