Shillong, Nov28: Meghalaya AIDS Control Society (MACS)-ni Project Director Dr. K. L. Iawbor, Meghalaya a·doko sak 500 nangchakea man·gipa bi·sarangko man·chape sak 10,000 mangna baten HIV/AIDS man·gipa case-rangko segataha ine ua u·iataha. Iani gisepon, East Jaintia Hills-o bang·bata case-rangko rim·na man·aha aro ia HIV/AIDS man·giparangoni bang·bata bi·sarangan kangal cholgri nokdangrangoni ong·a ineba ua u·iatangkuaha. Ia sabisini giproroaniara mongsongbate mamingba naljokani gri turim dongrimani a·sel ong·enga ine u·iatengon, bang·bata manderangan da·onaba an·tangko porikka ka·e nina re·angkujaenga ineba ua janapataha.
December jani 1 tariko World AIDS Day-ko manina siengon, Dr. Iawbor, HIV-ni batrikrikaniko champengna aro 2030 bilsio India a·songko HIV gri ong·atna dakchakaniko on·a sakantikon daitoko ra·e kamko ka·china didiataha. MACS-ni gita sak 6,882 manderangko porikka ka·e nianiko dakangaha, jeoni sak 24-ko HIV/AIDS donggiparang ine u·ina man·aha. Indake ong·engon, bang·a HIV/AIDS man·giparangoni 87% mangni gitade uamangni outreach program-rangko ong·atani somoio rim·na man·skaaha.
MACS, re·baenggipa December jani 1 tariko HIV/AIDS-ni gimin jinmana mikrakataniko on·a, Biker’s Rally aro gipin program-rangko ong·atanggen jeon Skotong Minister Conrad K. Sangma, mongsonggipa sokgipa ong·e bak ra·anggen. Una agreba, Cabinet Minister-rang, East Khasi Hills-ni MLA-rang, nurse-rang, paramedical-ni chatro chatrirang baksana HIV baksa janggi tangenggipa manderangba ia tom·bimonganio dongpae bak ra·angpagen.
Na·simang iakoba nina man·gen:
Na·simang iakoba poraina man·gen: Shree Cement Project-ni kosako JNC raken jegalata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
