Tura, Nov 28: Smart Town Project-ni ning•o Tura-ni Lower Hawakhana-o gital tarigipa Paver Block ramako Sukrobar salo, Meghalaya a•dokni Chief Minister Conrad K Sangma, kulie on•angaha.
Ia ramako kulina gita Lower Hawakhana Development Committee-ni ong•atanggipa tom•anio a•dokni Chief Minister, jinmana aganprakengon, election-na uni campaign ka•engmiting somoirango ua baditaba chang Lower Hawakhana-ona re•bana cholrangko man•aha aro da•alo ia gittimo dingtanganirangko nikna man•engahani gimin kusi ong•a ine parakataha.
Ian chonbegipa scheme-san ong•genchimoba, Lower Hawakhana-o bang•en dingtanganiko ra•bana man•aha ine janapatengon, Smart Town Project-ni ning•o Tura-ni gipin gittimrangoba iandakgipa paver block ramarangko tarina sorkari tangka paisarangko chame on•aha ine Sangma parakataha.
Smart Town project-ni ning•o Tura-ni dingtang dingtang gittimrango iandakgipa ramarangko tarina gong crore 54 tangkarangko chamataha aro Tura songjinmao dingtang dingtang namroro silroroani kamrangna gong crore 1400-mangni gita tangka paisarangko koros ka•enga ineba Chief Minister parakataha.
Lower Hawakhana Development Committee-ni dingtang dingtang nanganirangko janapanirangna aganchakaniko on•angengon, ua nangani kri kamrangko chu•sokate on•anggen ine Chief Minister, ku•rachakaniko on•angaha.
Na·simang iakoba nina man·gen:
Na·simang iakoba poraina man·gen: M’laya a·doko sak 10,000-na baten HIV/AIDS man·gipa case-rangko segata, sak 500 bi·sarang nangchakeako man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
