Agartala, Jun 17: Dehradun-ni ITI Don Bosco School-o poraina gita seokako man·gipa chatro chatri sakbongana Budbar salo, Tripura a·dokni Unakoti a·jao donggipa 28 Assam Rifles Battalion, mande ra·pilskaaniko dakangaha.
Ia chatro chatrirangko, Assam Rifles-ni dakchake on·gipa education program-ni ning·o Dehradun-ni ITI Don Bosco School-o poraina gita seokaha aro ia chatro chatrirang, bakan Dehradun-ona re·anggnok.
Ia program-ko ong·atanio, 28 Assam Rifles Battalion-ni Commandant Dharmendra Singh Chauhan aro gipin dal·dalgipa officer-rang, chatro chatrirangni poraianio didiani aro ka·dongataniko on·na certificate aro boksisrangko on·aha aro ia tom·anio 28 Assam Rifles Battalion-ni Commandant, jinmana aganprakengon, indin lekka porako ra·na, kal·susaani cholrangko man·na, hostel-o dongchakani aro gital skulo poraina sakbonga Tribal chatro chatrirangko, Assam Rifles seokaha ine parakataha.
Dehradun-ni ITI Don Bosco School-ni gimin talataniko on·angengon, ia skulko Ladakh, Uttarakhand aro salgro salaram a·dokrangni chatro chatrirangna computer baksa namgipa lekka porako on·na miksonganio, a·songni gitcham Prime Minister Atal Bihari Vajpayee, 2004 bilsio kulie on·aha ine Chauhan parakataha. Ia education program-ko Assam Rifles, chol ong·pagijagipa Tribal chatro chatrirangna bida budiko on·na aro an·tangtangni lekka porachi an·tangtangni nokdangrangna mikkim rasongko ra·bana cholko on·na gita a·bachengataha ineba Commandant aganaha.
Na·simang iakoba nina man·gen:
Na·simang iakoba poraina man·gen: A·dok sorkari, KHADC-ni tangka paisarangko on·gija donenga ine matnanganiko Tynsong jegalata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
