Guwahati, Nov 28: Bristibar salo, Indian Pharmacopoeia Commission (IPC), Ghaziabad, Nagaland-o donggipa dol gittam regulatory body-rang baksa minggitam Memoranda of Understanding-rangko (MoU) soi ka·angaha. Ia ku·chakgrikanirangko Pharmacovigilance aro Materiovigilance-ni bidingo salsani training programme-ko Kohima-o ong·atani somoio, IPC aro Nagaland Medical Council, Nagaland State Drugs Control Administration (NSDCA) aro Nagaland State Pharmacy-ni gisepo dakangenba, jolo IPC-ni bakrimanirang bilakbataniko mesokangaha.
IPC-ni Secretary-Cum-Scientific Director, Dr. V, Kalaiselvan, Nagaland Medical Council-ni Registrar Dr. Kevihulie Meyase, NSDCA-ni Assistant Drugs Controller, Imlilila; aro Nagaland State Pharmacy Council-ni Registrar Khele Thorie soi ka·anirangko dakangaha. Ministry of Health and Family Welfare, India Sorkari, aro Nagaland Health Department-ni senior official-rangba ia soi ka·anirangko dakani somoio dongpaaha.
NSDCA baksa bakrimaniara Salgro Salaram-o IPC-ni skanggipa iandakgipa MoU ka·aniko mesoka aro iana skangde Uttar Pradesh-osan soi ka·engpiti. Nagaland Medical Council baksa soi ka·grikaniara a·songni skanggipa ong·a, uandake ian IPC baksa bakrimgipa India-o ge·samangmang State Medical Council ong·a jean pharmacovigilance aro materiovigilance-ni cholrangko Primary Health Centre-rangona sokatenga. State Primary Council baksa MoU-ko soi ka·anichi naljoke aro namedake samko jakkalanina IPC-ni kam ka·anirang baksa bakrimgipa a·dokrangoni Nagaland-an brigipa ong·aha.
Ia gitalgipa bakrimanio, IPC aro Nagaland-o sanna-bananiko dakgipa dolrang ku·mongrime, a·dokni drug testing laboratory-rango Indian Pharmacopoeia Reference Substances aro Impurity Standards-ko jakkalaniko bariatna, adverse drug reaction-ko (ADR) aro medical device event reporting system-rangko bilakbatatna aro National Formulary of India-ko (NFI) a·dok gimiko donggipa sanchakram biaprangko jakkalatna kamrangko ka·anggen.
Una agreba, ia MoU-rang sanna-bananina kam ka·giparang chong·motan doctor-rang, pharmacist-rang, nurse-rang, aro quality control personnel-rangna dingtangmancha skie on·anirangko dakanichi, NFI-ko jakkalatanichi aro National Pharmacovigilance Week-ko damsan manianichi Nagaland-o sanna-bananirangko bilakbatatna jotton ka·anggen.
Ia ku·rachakgrikanirang ADR Monitoring Centre-rang aro Medical Device Monitoring Centre-rangko a·bachengatanirangko aro samrangko name jakkalanirangni bidingo nirokanirangko ta·rakbatatgen aro a·doko IPC-ni technical kamrangko ra·gatna dakchakgen. NSDCA aro Pharmacy Council medical college-rang, hospital-rang, pharmacist-rang, drug inspector-rang aro private sector-ni manderang baksa bakrime ia kamrangko namedake ka·na jotton ka·gen.
Ia bakrimani Nagaland a·doko samrangko namedake jakkalani, materiovigilance, aro sagiparangko sanna ranta ka·anirangko bilakbatatna kam ka·enba, Salgro Salaramo pharmavigilance-ni bidingo Nagaland-ko dilgipa ong·na dakchakgen.
Na·simang iakoba nina man·gen:
Na·simang iakoba poraina man·gen: Tura-ni Lower Hawakhana-o Paver Block ramako CM kulie on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
