Kohima, June 17: NSCN(IM)-ni Eastern Flank, Hebron-o donggipa dilgiparangko paraken ine ra·biatani a·sel uamangni dol dingtang bak daknaba dongaha ine organisation-ni gisepo jajrenganiko ra·baaha.
2026 bilsini June 16 tariko u·iatani gitade, uamangni dilgiparang 2015 bilsini Framework Agreement-ni chong·mot miksonganiko ja·rikgija, Naga manderangni namgnina re·mikkanganiko bilgriatenga ine Eastern Flank matnangataha. NSCN(IM)-oni uamang officially bak dakkujagenchim ong·oba, uamangni daka kamara Hebron headquarter-oni jakgitel ong·batrorobaaniko mesokenga.
Eastern Flank-ni aganani gitade, General Secretary Ato Kilonser aro Chief Negotiator Th. Muivah-ni skang agangipa chanchibewalanirang aro biaprangko uamangni dilgiparang knachakjaha aro nigalaha inenba matnangataha.
Eastern Flank, 2026 bilsini March 28 tariko, Hongbei songo NSCN(IM)-ni sak 4 member-rangko so·otanina, uamang an·tang dolni member-rangkon naljoke rakkina gita man·jaha ine aganenba Hebron-ni mitam dilgiparangko uamang matnangatkuaha.
Uamang, Lt. Gen (Retd.) Hs Ramsan aro Lt Gen A. Raman-na changsatai chakpaaniko parakatengon, Hebron-ni uamangko ra·galna tik ka·aniko jegalatenba, a·gipibatgipa dilgiparang jekai I. Chishu Swu aro Victor Angami-ba Eastern Flank-o bakrimaha ine u·iataha.
Nagalim ba Naga-rangni songdongram biap ning·o Kuki jatrangni dingtang a·songna dabianiko jegalatengon, uamang Hongbei-o so·ota man·giparangna kakket bichalko ka·e on·china Thangkul Naga-rangni ru·uta somoirangna dabibaenggipana chakpaaniko on·ataha.
2015 bilsio Framework Agreement-ko soi ka·a ja·man, ian NSCN (IM)-na dolni ning·o dal·batgipa ra·biani ong·enga, jean mikkangchi uamangni dolni re·mikkangani baksana Naga jatrangni gisepo tom·tomaniko rakkianina jajrenganiko ra·baaha.
Na·simang iakoba nina man·gen:
Na·simang iakoba poraina man·gen: Assam Rifles-ni gita chatro chatrirangna mande ra·pilskaaniko on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
