Pfutsero, June 17: June jani 16 tarik walo bang·e a·a ruani a·sel, Pfutsero-Phek ramako Sakraba gita re·gipa Pholami aro Khomi-ni gisepo donggipa ramako chu·gimik champengatenba, Phek a·jani skotong songona re·gipa mongsonggipa ramako champengataha.
Ia ramani champengatako man·ani a·sel, songre songgabatani aro gari gora re·ruraaniko nangchakeatan baksana nangchongmotgipa bosturangko ra·angani somoio obostarang ong·changna kenani aro sepangjolo donggipa manderangni nangchongmotani somoio hospitalrangona sokna ba nanggitikanina dakchakaniko on·gipa dolrang sokbana man·janaba donga ine jajrenganiko ra·baaha.
Ia ong·a obosta ramarangko maikai nirok sandianiko dakengachim iani bidingo jajrenganiko ra·bataiaha. Ia ramakoara Special Accelerated Road Development Programme for the North East (SARDP-NE)-ni ning·o NHIDCL tariangaha aro ja·mano iako nirok sandina aro taridapna gita Nagaland Public Works Department (PWD)-na pakwatataha.
Wachi karini somoio changni chang a·a ruani ong·genchimoba, wachi karina skang maming dakeba ramarangko name tariani ba tarisamsoanirangba dongja ine songni manderang u·iatha.
Una agreba, Porba aro Pfutsero-ni gisepo rong·terang ga·akgipako da·onaba galkujaengani gimin ian kena nanggipa ong·kuenga ineba uamang janapataha.
Mikka bitchirang bang·en wakuengani gimin, songni manderang bang·bate a·arang ruani aro ramarang champengatako man·kunaba donga ine jajrengtokenga. Uamang ta·raken ia ramarangko tarie on·china, sorkarini department-rangni gisepo sawa ia kamko ka·na nanga kamtangko u·ie ra·china aro ramarangko ru·uta somoirangna oe on·a man·a gita ramarangko name nirok simsakaniko dakna chanchisamsoaniko dakchinaba u·iataha.
Na·simang iakoba nina man·gen:
Na·simang iakoba poraina man·gen: NSCN (IM) gita bak dakaniko chagrongnaba gnang
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
